| ہوتے جو سنگِ در ہم بابِ حبیب کے |
| ہر روز چومتے پھر جوڑے لبیب کے |
| قسمت کے فیصلے ہیں مرضی کریم کی |
| سن بے نیاز مولا صدقے منیب کے |
| مٹ جائیں گھڑیاں ساری میرے فراق کی |
| سارے رواں نشاں ہوں ہجرِ زبیب کے |
| تاریک سا سماں ہے دوراں یہ ہجر کا |
| طالع درخشاں کر دے بے بس غریب کے |
| ربِ غفور سے ہے میری یہ التجا |
| شکوے ہوں دور سارے عاجز عجیب کے |
| داتا مدینے آؤں دیگر کو بھول جاؤں |
| اچھے نوشتے ہوں اب میرے نصیب کے |
| آئیں وہ جالیاں پھر نظروں کے سامنے |
| آنکھوں سے دیکھوں منظر سارے قریب کے |
| محمود کی ہے عرضی تیرے حضور میں |
| مولا میں جلوے دیکھوں حسنِ حبیب کے |
معلومات