| ایک غزل |
| اَز: مُصطفےٰ سجاد حیدر |
| کان دھرنا میرا نہ بھائے کیوُں |
| دِل کی باتیں نہ وہ بتائے کیوُں؟ |
| سب مُسافِر ہیں، جانتے ہیں تو |
| رہ گُزاروں پہ گھر بنائے کیوُں؟ |
| یہ محبت بھی اِک ضرورت تھی |
| جان کر بھی فریب کھائے کیوُں؟ |
| زندگی مرحلوں سے گُزرے ہے |
| کَل کیا ہو گا، سمجھ میں آئے کیوُں؟ |
| رنگ نئے روز اور نئے نِت روُپ |
| دُنیا آخِر ہمیں نہ بھائے کیوُں؟ |
| اُس کی مُسکان میں توانائی |
| حادثے دِل نہ پھِر بھُلائے کیوُں؟ |
| جب کہ میں تو تھا بس ضرورت سی |
| پیار کے ڈھونگ پھِر رچائے لیوُں |
| رات کالی تھی کاٹ لی حیدر |
| صُبحِ روشن نہ مُکھ دِکھائے کیوں؟ |
معلومات