لاؤں درود شاہا خدمت میں صد ہزار |
جاری رہے زباں پر یہ ورد بار بار |
میں جانوں مصطفیٰ ہیں قلزم وہ فیض کے |
ہستی کے ہر چمن کو جن سے ملی بہار |
قرباں کروں میں جاں بھی آلِ رسول پر |
میرے کریم آقا بردوں میں ہو شمار |
داتا اے میرے دلبر تیری ہیں نعمتیں |
شرمندہ ہوں میں ہادی دامن ہے داغ دار |
آئی کٹھن ہیں گھڑیاں امت پہ یا رسول |
نالاں لگے یہ گردوں آقائے غم گسار |
اے کاش خاک میری قدموں میں تیرے آئے |
ہو گا کرم گراں یہ مختارِ نامدار |
بے حد درود آئیں مولا سے آپ پر |
محمود پر نظر ہو تیرا ہے جاں نثار |
معلومات