چلو کہ پھر سے نیا رازداں بنا لیں ہم |
نئی زمین نیا آسماں بنا لیں ہم |
کہیں تلاش کریں ہم نئے زمانوں کو |
نئے سرے سے کوئی داستاں بنا لیں ہم |
تجھے نکال کے اپنے وجود سے ہم بھی |
شجر نئے پہ کوئی آشیاں بنا لیں ہم |
چلو کہ ہم کسی ایسی جگہ چلے جائیں |
کہ بات تیرے بِنا بھی وہاں بنا لیں ہم |
کیا کریں کہ محلل ہے تُو تو روح میں جو |
کہاں سے خود کا کوئی بھی جہاں بنا لیں ہم |
ہمایوں تیرے تخیل کی ہے سزا تجھ کو |
بہار کو بھی جو دیکھیں خزاں بنا لیں ہم |
ہمایوں |
معلومات