| بھر دے تو عنایت سے طاعات مرے دل میں |
| مولیﷻ ہے زیارتؐ کے جزبات مرے دل میں |
| اخضر وہ حسیں گنبدؐ، مینار فلک پایہ |
| "اک تیرا تصور ہے دن رات مرے دل میں" |
| دیرینہ مری خواہش، اک خواب حقیقت ہو |
| یثرب کی بسا پاؤں سوغات مرے دل میں |
| سرکارؐ مدینہ ہیں سردارؐ نبوت کے |
| محسوس کروں اشرف درجات مرے دل میں |
| ہے روضہ ء اقدسؐ کی وہ حاضری پر عظمت |
| تا دیر ہو پاکیزہ لمحات مرے دل میں |
| آقاؐ کے گھرانے کی خوشبو سے یہ من مہکے |
| ہر آن ہی رہتے ہیں ساداتؓ مرے دل میں |
| پایا ہے لقب جس نے محبوبؐ خدا ناصؔر |
| ہے رحمت عالم کی وہ ذاتؐ مرے دل میں |
معلومات