| سب دُنیا سے پیارا ہوں مَیں |
| تیری آنکھ کا تارا ہوں مَیں |
| ایسے دُنیا دیکھ رہی ہے |
| جیسے ایک نظارہ ہوں مَیں |
| اُس سے میری قیمت پوچھو |
| جِس کو جان سے پیارا ہوں مَیں |
| ایک کہانی ہے میری بھی |
| دشت کا ایک سِتارا ہوں مَیں |
| کیوں نہ مُجھ کو دُنیا دیکھے |
| جب کہ عکس تمہارا ہوں مَیں |
| مُشکل وقت میں نام خدا کا |
| کتنی بار پکارا ہوں مَیں |
| میں تقسیم ہوں دو حصوں میں |
| اور بظاہر سارا ہوں مَیں |
| تُم مجھ سے ناراض نہ ہونا |
| میری جان تمہارا ہوں مَیں |
| جو خوشیاں باقی ہیں لے لو |
| بے شک درد کا مارا ہوں مَیں |
| مانی میری قسمت دیکھو |
| جیت کے بازی ہارا ہوں میں |
معلومات