| شکوے لبوں پہ اپنے سجایا نہ کیجئے |
| رشتوں میں تلخیوں کو بڑھایا نہ کیجئے |
| حساس دل کسی کا دکھایا نہ کیجئے |
| "لفظوں کے تیر لوگو! چلایا نہ کیجئے |
| پانے کی جستجو سے ہی انساں ہو کامراں |
| بے جا ہو خواب دل میں بسایا نہ کیجئے |
| ہو جائے چشم فیض سے جو مستفید سارے |
| ہرگز بے اعتنائی جتایا نہ کیجئے |
| رہنا ہے بچ کے آہوں سے مظلوم کی یہاں |
| مجبور و ناتواں کو ستایا نہ کیجئے |
| کس کو بتائیں ہجر نے کیا حال کر دیا |
| اب فرقتوں کو چھوڑو، رلایا نہ کیجئے |
| چہرے پہ مسکراہٹیں ناصؔر سدا رہیں |
| دکھڑے کبھی غموں کے سنایا نہ کیجئے |
معلومات