| پنجابی غزل |
| اج رب سببی ملیا ایں کجھ حال حوال سنا |
| پیندأیں زہر جدائی دا کنج مینوں وی سمجھا |
| اکھیں دے ہنجو مک گئے نی یا لیندا ایں ہنڑ پی |
| اس سولاں وات حیاتی دا کوئی قصہ ہور سنا |
| مرا بسمل وانگوں تڑپن تے اج مڑ کردا اے جی |
| مرے زخمی زخمی سینے دے ناسور کھرچدا جا |
| جیندا ہاں میں مریا تے نئیں جو من آوی اوہ کر |
| مرے جسم اچ ساہ کجھ باقی نے مرا جگرا مڑ ازما |
| میں سی کراں تے تاں آکھیں لوکاں دی گل نہ کر |
| نیناں دے تیر چلا سانول نہ ڈر تے نہ شرما |
| اج قصہ چھیڑ جوانی دا جد جذبے ہن منہ زور |
| جد ہو دونویں بدنام گئے تے کیتا وقت جدا |
| بس کھیڈ و کھیڈی گزر گیا بھولا بچپن دا دور |
| اوہ گزرے ویلے انور نوں اج مڑ آ یاد کرا |
| انور |
معلومات