| حکایتیں تیری جن لبوں پر مرے فسانے کے بعد ہوں گی |
| انھی فسردہ لبوں کی باتیں نظر ملانے کے بعد ہوں گی |
| ہے آمدِ صبحِ نو کی قدحِ شراب میں جوش گرچہ امروز |
| تو چند ماتم زدہ سی شامیں بھی شادیانے کے بعد ہوں گی |
| ابھی تو شاخِ گلِ شگفتہ سے شوخیِ رنگ و بو لے طائر |
| شکستگی کی روایتیں زندہ ٹوٹ جانے کے بعد ہوں گی |
| ابھی اگر ہاتھ بھی ملانے کا موقع ملتا ہے تو ملاؤ |
| وگرنہ رشتوں میں گرمیاں صرف دل ملانے کے بعد ہوں گی |
| ذرا انا عشق کی دکھاؤ ذرا سی دیر ان سے روٹھ جاؤ |
| کہ حسن کی شوخیاں ہویدا تو تلملانے کے بعد ہوں گی |
| نظر کی تابش اگر ہے زندہ تو کیوں پریشان ہو رہے ہو |
| بدن کی رنگینیاں گو برپا بہت زمانے کے بعد ہوں گی |
معلومات