| غایت درجہ کی ہے عقیدت آقا ؐ سے |
| تن من میں چھائی ہے محبت آقا ؐ سے |
| رو رو کے مانگیں گے شفاعت آقا ؐ سے |
| "کہہ دیں گے سب، اشک ندامت آقا ؐ سے" |
| ہر دم ہی تبلیغ کا فرض نبھائیں گے |
| پائی جو صدقہ میں نیابت آقا ؐ سے |
| ہر شعبہ میں کریں گے راستی کو رائج |
| سیکھی ہے ہم نے جو دیانت آقا ؐ سے |
| محنت میں وہ عقبی کی لگتے ہیں اکثر |
| کرتے ہیں جو اخذ نصیحت آقا ؐ سے |
| جو اصلاحی سوچ کے رہتے ہیں حامل |
| وہ ہی لے سکتے ہیں افاضت آقا ؐ سے |
| امت کی فکروں میں جو گھلتے ہیں ناصؔر |
| ملتی ہے ان کو ہی وساطت آقا ؐ سے |
معلومات