| خوابوں کو سینے میں سجائے رکھنا |
| منزل پہ نظروں کو جمائے رکھنا |
| خسران جو پایا چھپائے رکھنا |
| خطرہ سے فردا کو بچائے رکھنا |
| مایوسی رہتی کفر ہے عزیزی |
| "امیدوں کے دیئے جلائے رکھنا" |
| چھوڑیں حصول علم کی نہ کاوش |
| تعلیم سے رشتہ نبھائے رکھنا |
| شامل رہیں اوروں کی بے کلی میں |
| ملت کا دل میں غم بسائے رکھنا |
| مہمان بن کے خوشیاں آ رہی ہیں |
| راہوں میں پلکوں کو بچھائے رکھنا |
| تکلیف میں ناصؔر نہ ڈگمگائیں |
| دکھ درد بھی اپنے دبائے رکھنا |
معلومات