| جان و دل جان و جگر جانِ وفا ہے اقصٰی |
| صرف مسجد نہیں مولا کی رضا ہے اقصٰی |
| دینِ وحدت کی تجلی کی ضیا ہے اقصٰی |
| اہلِ قرآن کو اسراء کی ندا ہے اقصٰی |
| گود میں تیرے رسولوں نے ولادت پائی |
| شبِ اسراء میں محمد ﷺ کی دعا ہے اقصٰی |
| فرقۂ کذّاب کرو فکر قیامت کے لیے |
| بنتِ عمران کے پاکی کی صدا ہے اقصٰی |
| ہونی ہے حضرتِ مہدی کی امامت تجھ میں |
| ابنِ حیدر کی قیادت کی ولا ہے اقصیٰ |
| اے فلسطین تجھے اللہ سلامت رکھے |
| تیرے دامن میں رسولوں کی دعا ہے اقصٰی |
| جان کیا چیز ہے اموال کرو اس پہ فدا |
| ابنِ داؤدؑ کی، اے گل! یہ عطا ہے اقصیٰ |
معلومات