| چہرہ ءِ ذی وقار آنکھوں میں |
| رب کا ہے شاہ کار آنکھوں میں |
| ہے نبی کا دیار آنکھوں میں |
| زندگی کی بہار آنکھوں میں |
| دید اُن کی کِیا کریں دائم |
| ہے کہاں اختیار آنکھوں میں |
| رب کی رحمت پہ آگئے آنسو |
| گویا ہے آبشار آنکھوں میں |
| رشک کرتی ہیں جنتیں مجھ پر |
| نورِ احمد ہے یار آنکھوں میں |
| مئے عرفان جو پلائی تھی |
| "رہ گیا ہے خمار آنکھوں میں" |
| جب سے دیکھا ہے بس گیا میرے |
| نورِ پروردگار آنکھوں میں |
| ہر نظارہ سلام بھیجے گا |
| ان کی صورت اتار آنکھوں میں |
| جو ہے ضامن سخی شفاعت کا |
| وہ ہے پیارا مزار آنکھوں میں |
معلومات