میرے کریم آقا وہ آفتاب ہیں |
کونین جن کے صدقے سے فیض یاب ہیں |
میثاق کی ہیں زینت وہ رونقِ جہاں |
دونوں جہاں میں ان سے یہ رنگ و آب ہیں |
کروبیاں نے چوما ہادی کے باب کو |
جبریل تھامتے خود ان کی رکاب ہیں |
رب کے حبیب آقا پیارے ہیں مصطفیٰ |
حاصل جنہیں خدا سے اعلیٰ خطاب ہیں |
ان کی عطا کے ڈنکے کونین میں بجیں |
احسان جن کے ہستی پر بے حساب ہیں |
خیر البشر ہیں آقا خیر الامم ہے قوم |
ذاتِ نبی سے ملتے یہ انتساب ہیں |
محمود خیر مانگو قاسم کریم سے |
ہر جا ہیں جن کے بردے جو کامیاب ہیں |
معلومات