| حسینِ پاک کا کربل میں جانا یاد آتا ہے |
| بہتّر زخم کھا کے مسکرانا یاد آتا ہے |
| کٹا کے سر بچایا دین کو سبطِ پیمبر نے |
| وہ کنبہ یاد آتا ہے گھرانا یاد آتا ہے |
| ضرورت گر پڑی نانا لہو اپنا بہا دیں گے |
| کیا بچپن میں جو وعدہ نبھانا یاد آتا ہے |
| زمانہ رشک کرتا ہے تِرے صبر و تحمل پر |
| جواں بیٹے کی میت کو اٹھانا یاد آتا ہے |
| قیامت تک نہ آ سکتا علی اصغر تِرے جیسا |
| زباں دشمن کو مقتل میں دِکھانا یاد آتا ہے |
| نمازِ عشق جس نے کی ادا تلوار کے سائے |
| جھکا کے سر کو سجدے میں کٹانا یاد آتا ہے |
| ہمیشہ یاد آئیں گے تصدق کربلا والے |
| خدا کے واسطے گھر کو لٹانا یاد آتا ہے |
معلومات