| تم تخت و تاج کے مالک ہو |
| دنیا والوں کے رازق ہو؟ |
| دنیا میں اکڑ کر چلتے ہو |
| دنیا کے تم ہی خالق ہو؟ |
| مرنا ہے یہاں سے جانا ہے |
| جینے کا ہنر سکھلانا ہے |
| وارث ہیں نبی کے اس خاطر |
| دنیا کو بھی سمجھانا ہے |
| دنیا تو ایک نصیحت ہے |
| فانی ہے یہ تو حقیقت ہے |
| فانی دنیا کی بغاوت میں |
| قائم ہوگی جو قیامت ہے |
| مٹی کے بنے اک پتلے ہو |
| مٹی سے نفرت کرتے ہو؟ |
| مٹی میں تم کو جانا ہے |
| مٹی سے تم کیوں ڈرتے ہو؟ |
| اچھی باتوں کو یاد رکھو |
| جیون بھی اپنی شاد رکھو |
| اے ابن یونسؔ تم سن لو |
| جاری اپنی فریاد رکھو |
معلومات