| کچھ کام ہم نکالیں گے راز و نیاز سے |
| پھر گفتگو کریں گے ابھی محوِ ناز سے |
| محمود دل لگائے نہ کیوں کر ایاز سے |
| مطلب ہی جب نہیں ہے نشیب و فراز سے |
| اہلِ نظر بھی کہہ دیں جسے نغمہِ حیات |
| آواز وہ نکلتی ہے ثانی کے ساز سے |
| میری حقیقتوں سے جسے یوں گریز ہے |
| آگاہ وہ کیوں ہوگا ہمارے بھی راز سے |
| تیری نگاہِ شوخ اجالے تو کر گئی |
| کچھ تیرگی بھی لوں تری زلفِ دراز سے |
| یہ رزم و بزم ہی نہیں اپنی فغاں کی جا |
| دنیا کو گرم رکھا ہے سوز و گداز سے |
| دل نے سمجھ لیا ہے کہ معبود کا ہے فرق |
| کعبہ کلیسا دیر کے اس امتیاز سے |
| پھر دکھ رہے ہیں آج مجھے جلوہ ہائے دوست |
| پھر سے الجھ رہی ہے حقیقت مجاز سے |
| پر جوش ہے شباب تو جوبن پہ ہے بہار |
| کچھ زخم مانگتے ہیں اسی دل نواز سے |
معلومات