| دماغ و دل میں نبی کا جاہ و جلال آیا کمال آیا |
| خیالوں میں جو خیال ہے بے مثال آیا کمال آیا |
| نبی! شفاعت سے کام لیجے ہم ایسے بگڑوں کو تھام لیجے |
| لبوں پہ یہ جو حضور والا ﷺ سوال آیا کمال آیا |
| بوجہل مکہ ہی میں ہے لیکن اسے خدا نے نہ ایماں بخشا |
| مگر جو حبشہ سے تیرا خادم بلال آیا کمال آیا |
| تمہاری مدحت میں نعت لکھ کر سکون دل کو لٹا رہے ہیں |
| نصیب حرماں نصیب کو جو کمال آیا، کمال آیا |
| مری ہر اک بات معتبر ہوتی جاتی ہے اس طرح سے آقا |
| دماغ و دل میں یقین بن کر خیال آیا کمال آیا |
| تمام شہداء بروزِ محشر ہیں سب سے افضل مگر اک ان میں |
| جو حمزہ جنگِ احد سے ہو کر نڈھال آیا کمال آیا |
معلومات