آقا امت کے رکھوالے |
تیرے فیض سدا ہیں نرالے |
تو ہی فیض کرم کے ڈالے |
شاہا کالی کملی والے |
چندہ سورج میں جو ضیا ہے |
تیرے نور سے دان ملا ہے |
تیرے در سے نور ضیا لے |
گھر تیرے سے ہیں سب اجالے |
یہ جو محفلیں ہیں نورانی |
یہ ہیں دانِ نبی سے نشانی |
اے داتا مزمل والے |
در کے تیرے ہم متوالے |
رحمت کا ہے دریا تیرا |
کالا عصیاں سے نامہ میرا |
تو ہی خٰیر فقیر کو ڈالے |
شاہا گود میں مجھ کو چھپا لے |
سارے رستے کو آساں کر دے |
میرا دامن شاہا بھر دے |
تیرے کرم سے نور اجالے |
یہ کشتی ہے تیرے حوالے |
میرے مونس رحمت آئے |
تیرے دان سے زحمت جائے |
میرے عیب زمانہ اچھالے |
شاہا باراں ہوں برکت والے |
جب دنیا سے ہو میرا جانا |
میرے پاس نبی جی آنا |
میرے جان ہو تیرے حوالے |
کوئی غیر نہ اس کو نکالے |
میں ہوں آل سخی کا بردہ |
میرا حشر میں رکھنا پردہ |
گلے جان کے ہیں اب لالے |
بد بختی کو تو ہی ٹالے |
اعدا نے ہے امت گھیری |
کب ہو گی وہ رحمت تیری |
کوئی غیر نہ رخنہ ڈالے |
تیرے فضل کے ہیں متوالے |
جو محمود ادنیٰ گدا ہے |
تیرے در پہ یہ آن گرا ہے |
میرے آقا رحمت والے |
تیرے کرم سے تیرے حوالے |
معلومات