| نورِ ﷲ ہے تمھارا نور وللہ فاطمہؑ |
| منفرد جب ہی خدا نے تمکو رکھا فاطمہؑ |
| غاصبوں کے ظالموں کے نام ہیں لکھے جہاں |
| لائیں گے وہ منتقمؑ تیرا صحیفہ فاطمہؑ |
| در حقیقت مرضئِ ﷲ ہے اذنِ بتولؑ |
| بن تمھارے حکم کے ہلتا نہ پتّا فاطمہؑ |
| کن فیکوں ہو کہ یا وہ قم باذنِ للہ ہو |
| ہے دیار کن یکوں پہ تیرا قبضہ فاطمہؑ |
| ربِ اکبر کے علاوہ سجدہ کرتے یہ ملک |
| جس جگہ سجدے وہ کرتے در تمھارا فاطمہؑ |
| اسمِ اعظم ہے خدا کا خاص اسمِ سیدہؑؑ |
| احمدِؐ مرسل کا وردِ خاص تھا یا فاطمہؑ |
| جتنے ہیں زیرِ کساء سبکی فضیلت بے پناہ |
| رب نے سبکو نام سے تیرے پکارا فاطمہؑ |
| ہیں آئمہؑ کُل پہ حجت مالکِ دونوں جہاں |
| تم اماموںؑ پر ہو حجت سیدہؑ یا فاطمہؑ |
| سایۂ طوبہ میں صائب ہم بھی آخر آگئے |
| اس قصیدے کے عوض دیتیں یہ تحفہ فاطمہؑ۔ |
معلومات