.jpg)
| پھول چِھنتے ہیں، بہاروں کی صدا باقی نہیں |
| تو جو رُوٹھا ہے، چمن میں کچھ ضیا باقی نہیں |
| شاخ پر بیٹھا تھا کل تک جو پرندہ نغمہ گر |
| اب وہی شاخیں بھی کہتی ہیں،صدا باقی نہیں |
| تُو گیا تو خشک ہو کر جھَر گئے سب سبز خواب |
| ایک پَتّا تک لبوں پر مدعا باقی نہیں |
| رنگِ گُل تھا، زخم جیسے ہنستا ہو ہر آرزو |
| اب وہ رنگ و نکہتوں کی بھی بقا باقی نہیں |
| زخم جو کانٹوں سے پائے، دل نے سہہ کر بھی کہا |
| یہ جفا ہی ہے، مگر اُس پر خفا باقی نہیں |
| چاہ کے دریا میں ڈوبی ہے دُعا کی ہر صدا |
| اب صدا ہے، پر وہ پہلی التجا باقی نہیں |
| حیدرؔ اب وہ کلیوں ،پھولوں کی ادا باقی نہیں |
| اب چمن تو ہے، مگر وہ دلربا باقی نہیں |
معلومات