| خدا کرے عطا ہمیں وہ عاجزانہ دل |
| پسند انبیاء کو ہےیہ صوفیانہ دل |
| بڑا ہی خوش نصیب ہے وہ جس کے پاس ہو |
| وہ مخلصانہ عارفانہ عا شقانہ دل |
| وہ بد نصیب خلد سے بڑا ہی دور ہے |
| جو کینہ پال رکھتا ہے منافقانہ دل |
| جہاں میں قدر پائے گا وہ بندہ بے بہا |
| نہیں ہے جس کے سینے میں وہ ظالمانہ دل |
| خدا کی رحمتوں سے وہ بڑا ہی دور ہے |
| حسد کے بیج بوئے جو بھی فاسقا نہ دل |
| جلے گا وہ ہمیشہ ہی غضب کی آگ میں |
| جو رشتے توڑ ڈالتا ہے قا تلانہ دل |
| عتیق دل یہ صاف کر تو اپنا اس طرح |
| خدا کے بندوں کے لیے ہو دوستانہ دل |
معلومات