| مرے دُکھوں سے اسے کوئی واسطہ ہی نہیں |
| مرا جو اس سے کبھی رابطہ ہوا ہی نہیں |
| میں گن بھی لوں سبھی لہریں جو آ کے ٹکرائیں |
| سمندروں کو تو ساحل کا کچھ پتہ ہی نہیں |
| فراقِ یار مجھے کاٹنے کو دوڑتا ہے |
| مگر یہ درد کبھی اس کو کاٹتا ہی نہیں |
| نہ جانے کونسے احساں کا میں نے ذکر کیا |
| ملیں ہیں نعمتیں اتنی میں جانتا ہی نہیں |
| جنونِ عشق میں سودا کیا ہے جو میں نے |
| یہ کیسا دل ہے خرد کی جو مانتا ہی نہیں |
| کسی کی چشمِ حسیں نے ہے یہ پیام دیا |
| نہیں بصیر جو وہ نُور یافتہ ہی نہیں |
| میں کیسے عدل کے عنواں پہ اس سے بات کروں |
| کہ جس کی زندگی میں کوئی ضابطہ ہی نہیں |
| سکون ڈھونڈنے نکلو تو آزمانا اسے |
| جو اس کا ہو وہ کوئی فکر جانتا ہی نہیں |
| مجھے تو شکر ہے واجب غلام ہوں اس کا |
| وہ گر حساب کبھی مجھ سے مانگتا ہی نہیں |
| اسی جہان میں طارق حساب جاری ہے |
| کہ جس حساب سے دل تیرا کانپتا ہی نہیں |
معلومات