| سرکارِ دو سریٰ میں ادنیٰ غلام تیرا |
| بگڑی بنائیں میری بالا مقام تیرا |
| جب تک ہیں سانسیں جاری ہو یاد بس تمہاری |
| جاری رہے لبوں پر محبوب نام تیرا |
| رحمت محیط تیری سارے جہان کو ہے |
| کرتی ہے ذکر ہستی شاہا دوام تیرا |
| قاسم کریم آقا درجے کمال تیرے |
| رب کے حبیب سرور اعلیٰ ہے کام تیرا |
| پرواز نوریوں کی سدرہ پہ جا کے ٹھہری |
| قصرِ دنیٰ حبیبی پہنچا ہے گام تیرا |
| اقصیٰ میں ملنے آئے سارے نبی خدا کے |
| خوش انبیاء کو آیا بننا امام تیرا |
| بھولے نہ آپ ہم کو قوسین جلوتوں میں |
| آیا حریمِ رب سے پھر بھی سلام تیرا |
| ملتے ہیں آپ سے ہی انعامِ یزداں سب کو |
| بستر ہے اک چٹائی سادہ طعام تیرا |
| تھا دور ظلمتوں کا تھے انساں نام کے ہی |
| نورِ ہدی دہر میں لایا نظام تیرا |
| تجھ سے ملا ہے سب کو تیرے گدا ہیں سارے |
| قادر سے نعمتیں ہیں ہے فیضِ عام تیرا |
| محمود خوش ہے دائم بابِ سخا پہ تیرے |
| کونین کو ہے باڑا ملتا تمام تیرا |
معلومات