| کس طرح آباد صحرا کی پہنائی کروں |
| میں اکیلا کیوں پھروں سب کو سودائی کروں |
| سارے نسخے پھینک کر سب مسیحا چھوڑ کر |
| آج اپنے روگ کی خود مسیحائی کروں |
| آئینے میں دیکھ کر چاکِ دل کر لوں رفو |
| آنسوؤں کو پونچھ کر تیز بینائی کروں |
| کس لئے ہے یہ زباں جو نہیں ہلتی کبھی |
| پارسائی چھوڑ کر عام رسوائی کروں |
| قریۂ بے آب میں جب کبھی یلغار ہو |
| خار و خس کی فوج سے لشکر آرائی کروں |
| گل کروں شمعیں کہ جو تیرگی کا حل نہیں |
| توڑ کر خالی سبو بادہ پیمائی کروں |
| کاتبِ تقدیر کچھ آتشِ اظہار دے |
| منجمد حرفوں سے کیا خامہ فرسائی کروں |
معلومات