.jpg)
| اعجاز مُحبت کو تِرے دَر سے مِلا ہے |
| "تُو سرورِ کونین ہے محبوبِ خُدا ہے" |
| قائم یہ جہاں ہے تِرے سجدوں کی بدولت |
| نقشِ کَفِ پا تیرا دُعالم کی بِنا ہے |
| احمدؐ ہیں وہ حامدؐ ہیں وہ محمودِؐ خدا ہیں |
| محبوب اُنہیں رَب کی ثَنائے بے رِیا ہے |
| اُن کے ہی تَصوّر سے تَخیّل ہے مُنوّر |
| تنویرِ مُحمدؐ سے تکلّم میں ضِیا ہے |
| آداب مُحبت کے سِکھاتا ہے مَدینہ |
| عُشّاقِ محمدؐ کی نِگاہوں میں حَیا ہے |
| اِن ہجر کے لمحوں میں محمدؐ ہی پکارو |
| یہ اِسم ہے لاہوتی، یہی اِسمِ شفا ہے |
| معراجِ مُحبت ہے یہ سرکارؐ کی اُلفت |
| ہر لفظ عَقیدت کا حَقیقت میں دُعا ہے |
معلومات