| اس طرح کے پیچ و خم پر اور بھی ماتم ہوا |
| تیرا گیسو جتنا بھی سلجھایا یہ برہم ہوا |
| اک جہاں اس حسن کے سجدے میں جھکتا رات دن |
| اور میرے عشق کے پیچھے یہ اک عالم ہوا |
| فاصلۂ دل بھی کیسا دل کو دیتا ہے فریب |
| دور جتنے ہم ہوئے ہیں اتنا ہی یہ کم ہوا |
| آتشِ دل نے گرائی آنسوؤں کی اک لڑی |
| آج پھر سے اختلاط شعلہ و شبنم ہوا |
| جیسے جیسے ساری دنیا قبضے میں آتی گئی |
| دور اپنی فطرتوں سے اور بھی آدم ہوا |
| یہ عجب شجرہ ہے کاٹو جتنا یہ بڑھتا ہے اور |
| اس ستم پر دل تو میرا اور بھی پر دم ہوا |
| تجھ سے ہی تھی یہ کشاکش تجھ سے ہی تھی چپقلش |
| ہے عجب کہ تو بھی آخر کو مرا ہمدم ہوا |
معلومات