| دینِ اسلام کا سلسلہ ایک ہے |
| انبیاءؑ ہیں بہت پر خدا ایک ہے |
| بابا آدمؑ سے حضرت محمدﷺ تلک |
| انبیاءؑ کا فقط قافلہ ایک ہے |
| ہیں محمدﷺ خدا کے نبیؐ آخری |
| سب کا اب آخری رہنما ایک ہے |
| ایک ہی پیڑ ہے باغِ توحید میں |
| ڈالیاں ہیں بہت پر تنا ایک ہے |
| راستے ہیں بہت مشرکانہ مگر |
| شرک سے پاک بس راستہ ایک ہے |
| دل کو بہلانے کے ٹوٹکے ہیں بہت |
| قلبی امراض کی بس دوا ایک ہے |
| اے خدا سب کو سیدھی تو رہ پر چلا |
| بارگہ میں تری بس دعا ایک ہے |
معلومات