| ہیں اشکِ ہجراں میرے داماں ہوا جو نم ہے |
| کچھ کربِ کربلا سے رنج و ملال غم ہے |
| دھڑکن دلوں میں ہے جو اُن کے فراق سے ہے |
| دستور دیتے ہیں وہ، ہر فکر جس سے کم ہے |
| لمحات دوریوں کے آلودہ کرب سے ہیں |
| ہجر و فراق جاناں دیتا گراں الم ہے |
| بے حد درود اُن پر مولا سے آ رہے ہیں |
| آباد نوریوں سے جن کا حسیں حرم ہے |
| کب خرد کی پہنچ ہے شانِ حبیبِ رب تک |
| کچھ سوج بھوج اس کی یزداں سے ہی کرم ہے |
| یادِ نبی اے مومن تریاق ہے دلوں کی |
| سرکار کے ذکر سے رنج و الم عدم ہے |
| محمود مصطفیٰ سے آمانِ دو جہاں ہے |
| معدوم ذکرِ جاناں کرتا دلوں سے غم ہے |
معلومات