| اچھا جتنا بھی ہو لہجہ وہ صدا ہوتی ہے |
| بات کر لے جو سخن گر تو جدا ہوتی ہے |
| باغِ اردو کی مہک رازِ خدا ہوتی ہے |
| کوچہ اردو کی ہوا بادِ صبا ہوتی ہے |
| حرف ملتے ہیں جو دل سے تو ندا ہوتی ہے |
| معنی لفظوں سے ملیں تو وہ ردا ہوتی ہے |
| شعر پڑھنے پہ یونہی داد نہیں ملتی انہیں |
| اردو تو شیریں دہن پر ہی فدا ہوتی ہے |
| سننے والوں کو کسی اور نگر لے جائے |
| اردو والوں کی زباں رب کی عطا ہوتی ہے |
| لہجہ مل جائے جو اردو سے تو وہ ناز کرے |
| اردو لہجے سے ملے تو وہ ادا ہوتی ہے |
| خوشبو اردو کی نظر آتی ہے دل والوں میں |
| مہک اردو کی تو بولی میں سدا ہوتی ہے |
معلومات