| ہادی کریم سرور دلدارِ دو سریٰ ہیں |
| آقا حبیبِ رب ہی سرکار مجتبیٰ ہیں |
| مقصودِ کن فکاں ہیں کونین کا حسن جو |
| انوار اُس حسیں کے مبدا حیات کا ہیں |
| تخلیقِ آدمی سے اول ہے نورِ جاناں |
| رونق جمالِ ہستی سردارِ انبیا ہیں |
| مختار میرے داتا سلطانِ ہر زمانہ |
| درجے جدا انہی کے کونین میں سدا ہیں |
| سب انبیا سے آئی خبریں حضور کی ہیں |
| ہادی حبیب سرور محبوبِ کبریا ہیں |
| ہستی میں رونقیں سب اُن کے ورود سے ہیں |
| عکسِ جمالِ یزداں کونین کی جِلا ہیں |
| تشریفِ مصطفیٰ سے کافور ظلمتیں ہیں |
| محمود جانِ ہستی مختار مصطفیٰ ہیں |
معلومات