| خرمن میں آگ لگ گئی بجلی مکان پر |
| کیا وقت آ پڑا ہے یہ بھوکے کسان پر |
| شعلے ہیں دل میں آہ و بکا ہے زبان پر |
| خنجر درونِ سینہ ہے سر ہے کمان پر |
| پابندی آہ پر ہے تو بندش اڑان پر |
| کیا کیا بلائیں آئی ہیں ہندوستان پر |
| ٹوٹی ہیں کیا مصیبتیں نازک سی جان پر |
| مطعون ہیں اذانیں تو تالے ہیں تان پر |
| کرتے ہیں ہاتھ صاف یہ علم و گیان پر |
| جوں رینگتی بھی ہے بھلا لیڈر کے کان پر |
| لعنت ہی کیوں نہ بھیجیے ایسی اڑان پر |
| پستی میں ہے زمین نظر آسمان پر |
| جتنا بھی پردہ ڈال دیں خوں کے نشان پر |
| ثابت ہے اب کے خون جو تیر و کمان پر |
| نفرت کا کاروبار سیاسی دکان پر |
| ہے اندھ بھکتوں کو یقیں اپنے گمان پر |
| آزادی کا کہاں یہ تو بربادی کا ہے جشن |
| بسمل حمید گاندھی سا جانباز گم ہے آج |
| نالے کی کیا خبر کہ ہر اک ساز گم ہے آج |
| بس اک ہی دھن میں غمزۂ غماز گم ہے آج |
| لطفِ خموشی لذتِ آواز گم ہے آج |
| روپوش وہ حقیقتیں وہ راز گم ہیں آج |
| تجھ سے وہ سرفروشی کے انداز گم ہے آج |
| جوہر کے شور ہائے تگ و تاز کیا ہوئے |
| وہ بوالکلام کے لبِ اعجاز کیا ہوئے |
| وہ بھگت جیسے مونس و دمساز کیا ہوئے |
| وہ چندر جیسے محرم و ہم راز کیا ہوئے |
معلومات