| سدا مطلب برآری میں رہا سرشار سارا دن |
| مگن خوابوں میں رہ کے بر سر پیکار سارا دن |
| پشیمانی سے عصیاں کا ہوا اقرار سارا دن |
| بچشم نم تساہل پر کیا اظہار سارا دن |
| ضرورت مندوں کی غم خواری کا جب شیوہ اپنایا |
| بصد اخلاص تب کرتا رہا ایثار سارا دن |
| سزا ملتی ہے جن عصیاں کی دنیا میں بچیں ورنہ |
| مکافات عمل پانے سے ہو رستار سارا دن |
| نگاہیں منتظر، بے تابیاں ہیں ہجر میں ساجھی |
| "دھڑکتے دل میں رہتا ہے خیال یار سارا دن" |
| محبت کا بظاہر جرم ثابت ہو گیا لیکن |
| بڑی حسرت سے تکتا رہ گیا دربار سارا دن |
| براہ عشق صادق میں ہوئے منظور غم ناصؔر |
| تبسم زیر لب ہو رقص فرما، خوار سارا دن |
معلومات