| حرم کے در و بام اور سب منارے |
| مزین ہیں اسمائے حسنئ سے سارے |
| حرم کے جو محراب ہیں ان کے اوپر |
| نظر آِئے اللہ کا اسمِ مطہر |
| حرم کے ستونوں پہ کندہ ہے اللہ |
| جدھر دیکھتا ہوں نظر آئے اللہ |
| غلافَِِ حرم پر لکھا اللہ اللہ |
| الہی تو سب کو دکھا اللہ اللہ |
| زباں پر ہو میری سدا اللہ اللہ |
| لبوں سے ہو ہر دم ادا اللہ اللہ |
| مرے دل کو کرنا سکھا اللہ اللہ |
| مرے قلب کی ہو صدا اللہ اللہ |
| اگر اللہ لکھنے سے ہی برکتیں ہیں |
| تو پھر اللہ پڑھنے سے بھی برکتیں ہیں |
| مرا دل بھی یارب کرے اللہ اللہ |
| مرا قلب کرتا رہے اللہ اللہ |
| مرا ذکر ہو ہر سمے اللہ اللہ |
| مری فکر ہو ہر سمے اللہ اللہ |
| مرا تن بھی کرتا رہے اللہ اللہ |
| مرا من بھی کرتا رہے اللہ اللہ |
| مرے دل کی دھڑکن کہے اللہ اللہ |
| مرے دل کی مالا جپے اللہ اللہ |
معلومات