| آنکھ میں کرچیاں محبت کی |
| آخری سسکیاں محبت کی |
| آنکھ میں اشک تک نہیں باقی |
| ہائے تہہ دستیاں محبت کی |
| کتنے عہدو پماں کو توڑا ہے |
| ہائے خودّاریاں محبت کی |
| وقت کی جھیل میں جو لہریں ہیں |
| وہ ہیں بس دھاریاں محبت کی |
| پیچ و خم اور حصار کے اندر |
| کیسی رہ داریاں محبت کی |
| لوگ اب وصل کو گنہ سمجھیں! |
| ہیں زبوں حالیاں محبت کی |
| سب کی آنکھوں میں چبھ رہی ہیں یہ |
| پھول اور پتّیاں محبت کی |
| سید ہادی حسن |
| اکتیس مئی دو ہزار بائیس |
معلومات