| دِل میں تَصَوُّرات کی جَنَّت لِیے ہُوئے |
| آنکھیں ہیں بَند جَلْوَۂ رَحْمَت لِیے ہُوئے |
| آئے ہیں بزم ناز میں دل ناتواں کے ساتھ |
| عَنْبَر فِشاں خِیالوں کی نَکْہَت لِیے ہُوئے |
| حاضِر ہیں آستانۂ رَحْمَت میں جو گِدا |
| آئے ہیں وہ اُمِیدِ شَفاعَت لِیے ہُوئے |
| یا رَب مدینے کی گلی لکھ دے نصیب میں |
| بیٹھے رہیں عَقِیدَت و اُلفَت لِیے ہُوئے |
| حاضر ہو ان کے سامنے کس منہ سے یہ عتیق |
| آنکھوں میں اشک دل ہیں ندامت لیے ہوئے |
معلومات