| دیتی ہے جِلا روح کو تنویرِ فلسطین |
| اہلِ وفا کے دل پہ ہے تحریرِ فلسطین |
| نبیوں کا ٹھکانہ ہے اور قبلۂِ اوّل |
| کیا خوب لکھی رب نے ہے تقدیرِ فلسطین |
| بارکنا حولہ سے یہ ہوتا ہے اجاگر |
| قرآن میں مرقوم ہے توقیرِ فلسطین |
| ہے باپ کی آغوش میں بیٹے کا جنازہ |
| صدیوں نہ بھلا پائیں گے تصویرِ فلسطین |
| ہر قلب میں پنہاں ہے جہاں ذوقِ شہادت |
| اللہ کی قسم ہے یہ تاثیرِ فلسطین |
| رنجور مِرا دل ہے آنکھیں ہیں مِری نم |
| جب سے سنی ہے میں نے تقریرِ فلسطین |
| آزادی فلسطین کو اِک روز ملے گی |
| ٹوٹے گی تصدق! پھر زنجیرِ فلسطین |
معلومات