| ثانی پوچھے گئے عورت کے مسائل مجھ سے |
| میں نہ شاعر ہوں نہ صوفی ہوں نہ حکمت کا امام |
| پھر بھی نیرنگیِ دوراں میں تدبر جو کیا |
| حق نے اس دل میں کیا خوب ہی بہتر الہام |
| یہ مساوات کی تعلیم یہ آزادیِ زن |
| جس کی ہر ایک لپک بڑھتی رہی تا اسلام |
| اس کے آغاز میں ہم نے جو ذرا غور کیا |
| آتشِ زن میں ملے ہم کو فرنگی اوہام |
| جس نے عورت کو بنایا ہے کلیسا کی کنیز |
| اب کے آزادیِ نسواں کے وہی دے احکام |
| وہی عورت کے لیے راحتِ پیہم ڈھونڈے |
| جس کا ماضی رہا عورت پہ مصیبت آلام |
| بنتِ حوا کو سمجھنا یہ ضروری ہوگا |
| جس کو آبادی سمجھتی ہو وہ ہے ابدی دام |
| شبِ افرنگ میں کرتی ہے بھلا تو کیا تلاش |
| شام سے بڑھ کے بھی تاریک ہیں جس کے ایام |
| جس نے عورت کو فقط جسم سمجھ رکھا ہے |
| ترے جذبات کو دے گا وہ بھلا کوئی مقام |
| جس کے مذہب میں کھلونا تو ٹھہر جاتی ہے |
| اس کے مذہب میں بھلا ہوگا ترا کوئی مقام |
| جس نے در در پہ نچایا ہے تجھے کر کے کنیز |
| جس نے بازار میں بیچا تجھے کر کے نیلام |
| یہ مساوات کی تعلیم و صدا کس کی ہے |
| اور آزادیِ نسواں بھی بنی کس کا پیام |
| کس نے عورت سے اتارا ہے یہ عصمت کا حجاب |
| سرِ بازار اسے کس نے کیا ہے بدنام |
| خونِ نسواں سے تو رنگیں ہے فرنگی تہذیب |
| کیسے اسلام پہ اس خوں کا لگاتے الزام |
| جس نے ہر راہ میں لوٹے ہیں نسائی جذبات |
معلومات