| لب پہ سچ اور اچھا کردار رکھیں گے ہم |
| تم جو ظلم کرو گے تو صبر کریں گے ہم |
| پاس تمہارے کہنے کو بس باتیں ہیں |
| اپنی بات دلیل سے پیش کریں گے ہم |
| تم کو لگا تھا ظلم کرو گے جتنے بھی |
| بس خاموش رہیں گے اور سہیں گے ہم |
| جھوٹ تمہارا آخر کب تک چلنا تھا |
| سچ کے ذریعے پردہ چاک کریں گے ہم |
| ظلم کا بیج لگاتے ہو خود کاٹو گے |
| امن کے پرچم پر تو جان بھی دیں گے ہم |
| پیچھے ہٹو تم نفرت کے سوداگر ہو |
| شہر میں الفت چاہت ہی بانٹیں گے ہم |
| دین تمہارا صرف فساد مچانا ہے |
| ہم مومن ہیں امن کے ساتھ رہیں گے ہم |
معلومات