| بدن میں گونجتی دھڑکن نبی نبی بولے |
| یہ جسم و جان یہ تن من نبی نبی بولے |
| رسولِ پاک کی چاہت میں جس کا دم نکلے |
| کفن بھی مہکے وہ مدفن نبی نبی بولے |
| سہانا صبحِ ولادت کا خوب منظر ہے |
| برستا جھوم کے ساون نبی نبی بولے |
| گلاب سوسن و چمپا بھی جوہی نرگس بھی |
| شگفتہ کلیوں کا گلشن نبی نبی بولے |
| لگا پسینہ محمد کا جس بھی جوڑے پر |
| دلہن بھی مہکے وہ ساجن نبی نبی بولے |
| صدائے کرب و بلا گونجتی ہے کانوں میں |
| یزیدی تیغ پہ گردن نبی نبی بولے |
| نبی کا وصف تصدق بیاں جو کرتا ہے |
| زباں کی بات سہاون نبی نبی بولے |
معلومات