| سنو! |
| مری جان اک بات کہنی ہےتم سے |
| مرا دل کہیں کھو گیا ہے |
| ملے تو بتانا |
| کسی نے کہا ہے |
| وہ تیری گلی میں دِکھا ہے |
| ترے کوچے کی خاک سے |
| محبت تھی اس کو |
| وہیں بھاگ نکلا ہے وہ |
| مگر تم دھیان اس کا رکھنا |
| بڑا نرم و نازک ہے وہ |
| ترے شوق میں ہی مگن رہتا ہے وہ |
| تری اک نظر کا وہ مشتاق ہے |
| ملے تو بتانا |
| اگر ہو سکے تو گلے سے لگانا |
| سنو! |
| ترا نام سن کے دھڑکتا ہے وہ |
| تری راہ تکتا ہے وہ |
| کہاں جا رہی ہو |
| رکو! |
| سنو! |
| وہ لپٹا ہو گا خاکِ کوچہ سے تیری |
| ترا منتظر رو رہا ہو گا شاید |
| وہ ایسا ہی کرتا تھا اکثر |
| خیال اس کا رکھنا |
| خیال اس کا رکھنا |
معلومات