(1)_copy_379x532.jpg)
| شیشہِ جاں میں ترا عکسِ معطر آ گیا |
| تجھ کو سوچا تو بدن میں رنگِ مرمر آ گیا |
| تیری قامت، جیسے لہرا جائے چاندی کا شجر |
| تیرے ماتھے پر دمکتا ماہِ انور آ گیا |
| وہ سراپا ہے کہ جیسے شاخِ گل لچکی ہوئی |
| تیری جنبش سے ہوا میں رقصِ ساغر آ گیا |
| زلف کھولی تو گھٹائیں سر جھکانے لگ گئیں |
| تیری آنکھوں میں سمٹ کر کل سمندر آ گیا |
| نقشِ پا چوما تو مہکا ہے مرا ہر ایک خواب |
| خاکِ راہِ یار میں عنبر کا پیکر آ گیا |
| دھوپ اٹھلاتی ہے تیرے رنگِ تاباں کی قسم |
| برف جیسے جسم پر سورج کا پیکر آ گیا |
| تیری پلکوں کی گھنی چھاؤں تلے جاں کھو گئی |
| نیند اڑی تو سامنے خوابوں کا لشکر آ گیا |
| جسم جیسے چاندنی میں بھیگتا اِک خواب ہو |
| تیرِ مژگاں لے کے وہ جاں کے نگر میں آ گیا |
| چال میں وہ بانکپن ہے حور و غلماں دنگ ہیں |
| کوئی قدسی خلد سے جیسے زمیں پر آ گیا |
| حسنِ بے پروا نے جب ڈالا حجابِ مصلحت |
| پھر تخیل میں مری اک خوابِ اطہر آ گیا |
| وہ مری وحشت کا عالم، وہ ترا حسنِ گریز |
| گفتگو کے درمیاں جیسے سمندر آ گیا |
| تیرے آنے کی خبر سے جاگ اٹھے بجھتے چراغ |
| گھر کے سناٹے میں جیسے کوئی لشکر آ گیا |
| وہ نزاکت ہے کہ جیسے شاخِ گل لچکی ہوئی |
| پیرہن کے روپ میں ڈھل کر گلِ تر آ گیا |
| اب تری یادوں کے جگنو ہیں، یہ خالدؔ اور غزل |
| بزمِ دل میں خواب بن کر ایک منظر آ گیا |
معلومات