| سانولی میری نازنیں سن |
| چین دل کا ہے دل نشیں سن |
| میری نظموں کے رنگ سارے |
| تیری صورت کے ترجماں ہیں |
| میری غزلوں کے قافیے بھی |
| تیری الفت کا کارواں ہیں |
| میرے سارے ردیف ہیں جو |
| تیرے سارے حریف ہیں وہ |
| میرے لفظوں کے پھول سارے |
| تیرے قدموں کی دھول سارے |
| میرو سودا کی تو غزل ہے |
| مثلِ لیلٰی ہے تو پنل ہے |
| شیریں فرہاد کی کہانی |
| تیری الفت کی ہے نشانی |
| کھلتا سا اک گلاب ہے تو |
| گویا جامِ شراب ہے تو |
| تجھ پہ قرباں بہار کردوں |
| اپنا سب کچھ نثار کر دوں |
| تم سے اتنا میں اب کہوں گا |
| حرفِ آخر میں یہ لکھوں گا |
| میری ساری جو شاعری ہے |
| تیری خاطر یہ سب لکھی ہے |
معلومات