غزل پنجابی |
ججاں دے پت جج بنڑدے نے جرنیلاں دے جرنل |
ساڈے بچے پڑھ لکھ کے وی ہوندے رہندن خجل |
اوہناں لئی مربعے بنگلے کاراں آ تے پلازے نے |
ساڈے لئی ہے ڈی جی سیمنٹ یا پھر منجی کرنل |
سانوں سڑک تے راہ نئیں ملدا اک دوجے وچ وجئے |
اوہ لنگن تے اینج لنگدے نے ساون دے جیوں بدل |
کوئی غریب جے اوکھا سوکھا سی ایس ایس کر جاوے |
وڈھی خور ایلیٹ کلاس اچ پئے جاندی اے تھڑ تھل |
ہر گل کرنی چنگی گل نئیں روک قلم دا گھوڑا |
نئیں تے کسے نے کڈھ دینڑے نے تیرے سارے کس بل |
عادل عدل وی ویچ دیندا اے لوڑ پوے جے انور |
اسیں وکیلاں پچھے ہوندے رہ جاندے آں خجل |
انور نمانا |
معلومات