خدا کے نبی پر درود و سلام |
سخی آل جن کی جہاں میں مدام |
چھپی خیر ان کے ہے ہر قول میں |
خدا کی وحی بھی ہے ہر بول میں |
اسی راہ ان کی ہے عترت مدام |
خدا کے نبی پر درود و سلام |
کرم اس سخی کا عمومی ہوا |
سدا ہے انہی کی دہر میں ثنا |
عُلیٰ ذکر ان کا ہے بالائے بام |
خدا کے نبی پر درود و سلام |
غموں نے ہے گھیرا مجھے جب کبھی |
وہیں یاد آئے خدا کے نبی |
کیا ذکر اُن کا ہیں اُن کے غلام |
خدا کے نبی پر درودو سلام |
حبیبِ خدا میرے مشکل کشا |
جنہیں گنجِ کوثر خدا سے ملا |
ہیں دافع الم یارو مختارِ عام |
خدا کے نبی پر درودو سلام |
ہیں ہادیء کامل یہ دانائے راہ |
زہے رب کے دلبر نبی مصطفیٰ |
صلاۃ اُن پہ محمود آئیں دوام |
خدا کے نبی پر درود و سلام |
معلومات