| قربِ جاناں کا ہے ثمر کچھ کچھ |
| ہیں بے خود آنکھ ، دل ، جگر کچھ کچھ |
| وا خَمِ زلف ہیں اُدھر کچھ کچھ |
| دم مرا نکلے ہے اِدھر کچھ کچھ |
| دیکھا سیلاب سا بیاباں میں |
| یعنی آیا ہمیں نظر کچھ کچھ |
| غم نہ کر ، اصلِ زندگی ہے ہجر |
| حالتِ دل تو ہی نکھر کچھ کچھ |
| آہِ بے کاری ، اشکِ خوں جاری |
| سوگ میں ہے بدن کا گھر کچھ کچھ |
| بننا ہے تجھ کو شمعِ بزمِ جہاں |
| مثلِ پروانہ تو بکھر کچھ کچھ |
| شوقِ دل خاک میں ملاتا ہے |
| عقل کہتی ہمیں سدھر کچھ کچھ |
| لاگ کی آگ نے جلا ڈالا |
| اٹھتا ہے پھر یہاں شرر کچھ کچھ |
| روٹھنا خود سے ہی بے وجہ حسؔن |
| ہم کو آتا ہے یہ ہنر کچھ کچھ |
معلومات