| خدا کا نور لایا ہے ربیع الاول آیا ہے |
| زمانہ جگمگایا ہے ربیع الاول آیا ہے |
| ولادت کا مہینہ ہے اُجالا ہی اُجالا ہے |
| سماں بھی مسکرایا ہے ربیع الاول آیا ہے |
| تری عظمت جدا سب سے فقط تو ہی ملا رب سے |
| ترے جیسا نہ پایا ہے ربیع الاول آیا ہے |
| کِیا جبریل نے چرچا حبیبِ کردگار آیا |
| فلک بھی لہلہایا ہے ربیع الاول آیا ہے |
| وہ جس کے پاک قدموں پر جُھکا ہے انبیا کا سر |
| وہی تو افضل آیا ہے ربیع الاول آیا ہے |
| ہوے ہیں قلب و جاں تازہ کہ ابرِ لطف وہ برسا |
| سَحابِ نور چھایا ہے ربیع الاول آیا ہے |
| یتیموں مفلسو دیکھو خطا کارو اُٹھو دیکھو |
| کرم کرنے کو آیا ہے ربیع الاول آیا ہے |
| تمہیں شاہدؔ مبارک ہو اور اب جُھک جاؤ سجدے کو |
| خدا کا فضل پایا ہے ربیع الاول آیا ہے |
معلومات