| دیارِ نبی کی جھلک مانگتا ہوں |
| میں شہرِ حسیں کی دمک مانگتا ہوں |
| سہانے وہ منظر میں دیکھوں نظر سے |
| اے مولا یوں آخر تلک مانگتا ہوں |
| نبی شاہِ شاہاں مدینے کے داتا |
| مدینہ لے جائے سڑک مانگتا ہوں |
| مدینے پہ بارانِ انوار ہر جا |
| مدینے پہ چھائی دھنک مانگتا ہوں |
| شب و روز دل میں مدینہ بسا ہے |
| میں باغِ نبی کی مہک مانگتا ہوں |
| ہے محبوب مجھ کو مدینہ منور |
| میں بارِ دگر وہ چمک مانگتا ہوں |
| سدا چاہوں نظریں رہیں اُن کے در پر |
| کرے صاف جالی پلک مانگتا ہوں |
| جپوں اُن کے نغمے سدا اے خدایا |
| گلے میں سروں کی کھنک مانتا ہوں |
| ہیں محمود جس جا وہ شمعِ ہدایت |
| جو آئے وہاں سے چمک مانگتا ہوں |
معلومات