| جتنی بھی زیرِ آسماں گزری |
| اِس دلِ زار پر گراں گزری |
| ہم اسی موڑ پر کھڑے رہ گئے |
| تم کہو، زندگی کہاں گزری |
| یاد بھی آئے ہم کبھی تم کو |
| میرے بن کیسی جانِ جاں گزری |
| تم متاعِ حیات تو لے گئے |
| پھر جو گزری وہ رائیگاں گزری |
| بکھری ہیں اذیتیں ہر سُو |
| ساتھ تیرے جہاں جہاں گزری |
| یاد تک لے گئی بہاروں کی |
| اب کی بار اس طرح خزاں گزری |
| بُوئے گُل ہے نہ نغمہءِ بُلبُل |
| باغ پر کیا اے باغباں گزری |
| بات تیری بھی ٹھیک ہے ناصح |
| تُجھ پہ بھی کیا یہ داستاں گزری |
| مختصر گر کروں بیاں زاہد |
| بے سکوں گزری، بے اماں گزری |
معلومات