| گھبرا کے امتحاں سے یہاں جو پلٹ گیا |
| وہ مقصد حیات سے ہی اپنے ہٹ گیا |
| موسم بدلتے رہتے ہیں، سوکھا کبھی تو مینھ |
| "برسات ختم ہو گئی دریا سمٹ گیا" |
| مدت سے بچھڑے یار کی گر دید ہو کہیں |
| دل کی مٹانے تشنگی پھر وہ چمٹ گیا |
| فاتح اسی کو کہہ کے پکارے گیں سارے لوگ |
| میدان کار زار میں جو شخص ڈٹ گیا |
| ہائے ستم ظریفی نہ در کے، نہ گھر کے ہیں |
| تھا سر پہ سائبان فقط، وہ بھی پھٹ گیا |
| سچ سچ بتا ہمیں کہ ہوا ماجرہ ہے کیا |
| راہوں سے کارواں یہ کہاں کیسے چھٹ گیا |
| چرچے کبھی زمانہ میں ناصؔر ہمارے تھے |
| بے بس ہیں جب سے رابطہ لوگوں سے کٹ گیا |
معلومات